Арцюру дзесяць гадоў. Ён жыве разам з бацькам на брэтонскім узбярэжжы і вучыцца не давяраць нікому: ні настаўнікам, ні суседзям, ні сябрам - усе яны могуць апынуцца замаскіраванымі Кіраўнікамі, якія сеюць хаос і несправядлівасць. Бацька і сын ператвараюць свой дом у Штаб, атрымліваюць зашыфраваныя пасланні ад паплечнікаў, сакрэтнай арганізацыі Саюзнікаў, і рыхтуюцца да будучай вайны з сіламі зла. Але аднойчы бацька Арцюра таямніча знікае, так што хлопчыку даводзіцца выйсці з дому-крэпасці і адправіцца на яго пошукі ў варожы свет.

У сваёй новай кнізе фламандскі мастак Брэхт Эвенс, аўтар «Пантэры», «Паўночнікаў» і «Любільнікаў», сплятае тэорыі змовы і непахісную дзіцячую веру ў правасць дарослых і стварае паранаідальны свет, у якім размываюцца межы праўды і выдумкі.