Альбрэхт Дзюрэр (1471–1528) — вялікі нямецкі жывапісец, графік, майстар гравюры, адзін з заснавальнікаў тэорыі рэалістычнага мастацтва ў Заходняй Еўропе. Апроч выбітных выяўленчых прац Дзюрэр пакінуў шэраг тэарэтычных прац, у якіх выклаў свае эстэтычныя гледжанні і даў практычныя парады: гэта трактаты «Кіраўніцтва да вымярэння» (1525), «Навучанне да ўмацавання гарадоў» (1527) і «Чатыры кнігі аб прапорцыях» (1528 ). Таксама захаваліся матэрыялы да незавершанай “Кнігі пра жывапіс” і іншыя накіды. Гэтыя творы раскрываюць шырыню кругагляду і разнастайнасць інтарэсаў аднаго з найбуйнейшых прадстаўнікоў мастацтва Адраджэння і складаюць неад'емную частку яго творчасці, без якой яно не можа быць ацэнена ў поўнай меры.

У арыгінале трактаты Дзюрэра вельмі шырокія і ў значнай меры носяць спецыяльны характар, а таксама маюць шмат паўтораў. Складальнікі дадзенага зборніка імкнуліся падбіраць матэрыял такім чынам, каб па ім магчыма было судзіць і аб пабудове гэтых прац, і аб усім коле закранутых у іх пытанняў, і аб метадзе выкладу, і, перш за ўсё, аб поглядах Дзюрэра на мастацтва. Акрамя тэкстаў выданне змяшчае рэпрадукцыі гравюр, малюнкаў і чарцяжоў Дзюрэра.

Тэкст друкуецца па акадэмічным выданні 1957 года.