«Лёд» — галоўны раман брытанскай пісьменніцы Анны Каван, якую пры жыцці параўноўвалі з Вірджыніяй Вулф і называлі сястрой Кафкі. Крытыкі лічаць Каван заснавальніцай жанру slipstream («завіхрэнне») — літаратуры фантазійнага ўяўлення, дзе прычынна-выніковыя сувязі трымаюцца на валаску, а абвостраныя да мяжы пачуцці непараўнальна важней за логіку.

У яе раманах цалкам рэалістычнае адлюстраванне раптам пакрываецца рыпаннем, і з глыбіні падсвядомасці ўсплываюць на паверхню нечаканыя вобразы і карціны.