Кніга расійскай журналісткі, былой спецыяльнай карэспандэнткі «Новой газеты» Алены Касцючанка называецца «Мая любімая краіна» і распавядае пра тое, як Расія павольна спаўзала ў вайну.

Касцючанка — адна з самых вядомых расійскіх журналістак. У першыя тыдні поўнамаштабнага расійскага ўварвання ў 2022 годзе яна працавала ва Украіне і выпусціла некалькі тэкстаў для «Новой газеты», якія сталі важнымі сведчаннямі вайны і злачынстваў, учыненых расійскімі вайскоўцамі.