Пяцёра мужчын і дзве жанчыны становяцца ахвярамі караблекрушэння і апынаюцца на неабітаемым востраве, населеным сляпымі птушкамі і гіганцкімі яшчаркамі. Пазбаўленыя вады, ежы і надзеі на выратаванне, героі вымушаны супрацьстаяць не толькі набліжэнню смерці, але і ўласнаму мінуламу, ад якога яны спрабавалі ўцячы. Цяпер гэта мінулае пераследуе іх у снах і галюцынацыях, амаль неадрозных ад рэальнасці.

Адсочваючы шлях, які кожны з іх выбера перад тварам смерці і асвятляючы самыя цёмныя куткі іх душ, Стыг Дагерман (1923–1954) даследуе прыроду пачуцця віны, страху і адзіноты. Раман, напісаны ўсяго за два тыдні летам 1946 года, стаў маніфестам шведскага мадэрнізму і ператварыў аўтара ў культовага пісьменніка.

«Гэтую кнігу немагчыма прачытаць і застацца некранутым, не падвергнуўшы сумненню ўласныя перакананні і погляды». Жан-Мары Гюстаў Леклезіё