Восенню 1939 года, праз некалькі тыдняў пасля ўварвання Германіі ў Польшчу, англійскія маладыя Гай і Гаррыет Прынгл прыязджаюць у Бухарэст, вядомы тады як «усходні Парыж». Жыхары гэтага шматаблічнага горада, пагружанага ў нявызначанасць вайны і палітычнай нестабільнасці, трымаюцца за яркае паўсядзённае жыццё, пакуль Румынію і астатнюю Еўропу ахоплівае хаос.

Тым часам Гаррыет пачынае па-сапраўднаму пазнаваць свайго мужа, універсітэцкага прафесара-экстраверта, які адразу ўключыўся ў ажыўленыя зносіны з мноствам людзей, і спрабуе знайсці сваё месца ў своеасаблівай кампаніі чапорных дыпламатаў, багатых дам, спакуслівых махляроў і кар'ерыстаў.

Аснаваная на асабістым досведзе аўтара, гэтая кніга стала пачаткам знакамітай «Балканскай трылогіі», дзякуючы якой Алівія Мэнінг увайшла ў гісторыю літаратуры XX стагоддзя. Дакладнае ўзнаўленне гістарычных абставін, шырокая палітра характараў, тонкі гумар — усё гэта робіць «Вялікае дабро» адным з найлепшых еўрапейскіх раманаў пра Другую сусветную вайну.