ВЯРТАННЕ - гэта не толькі нашумелы фільм Андрэя Звягінцава. Цяпер гэта яшчэ і кніга, аўтарам якой з'яўляецца вядомы маскоўскі фатограф Уладзімір Мішукоў.

Менавіта кніга. Хоць яна і з'яўляецца фотаальбомам па форме, па змесце ВЯРТАННЕ - твор амаль што літаратурны. Практычна гэта зборнік апавяданняў у малюнках. Пранізлівыя, пранізаныя сэнсавымі, тэкстуальнымі і кантэкстуальнымі сувязямі гісторыі складаюцца ў адзінае, захапляльнае апавяданне.

Акторы за кінакадрам. Здымачная пляцоўка. Атмасфера. Абставіны здымак. Паза здымкамі. Выпадковыя людзі. Прадметы… Напэўна, можна назваць і пералічыць усе рэчы, зафіксаваныя фотакамерай. Але навошта? Бо, як вядома, лепш адзін раз убачыць, чым адзін раз "пачуць". Тым больш што кніга "Вяртанне" - яна ж як фільм - патрабуе менавіта гледача.