Нафта, як вядома, - неаднаўляльны рэсурс. Але адкуль яна бярэцца? Як яе вырабляюць? І што будзе, калі яна скончыцца? На старонках кнігі аўтар узнімае ўсе гэтыя пытанні і прапануе змяніць нашы звычкі, каб у адзін дзень нам усім не прыйшлося сапраўды развітацца з нафтай.

Першапачаткова «Бывай, нафта» была праектам, падрыхтаваным спецыяльна да выставы «1973: Sorry, out of gas», прысвечанай нафтаваму крызісу 1973 года ў Манрэалі. Яна праходзіла з 7 лістапада 2007 года па 20 красавіка 2008 года ў Канадскім архітэктурным цэнтры і даследавала, як архітэктура і грамадства адрэагавалі на дэфіцыт такога выкапнёвага рэсурсу, як нафту. Было выстаўлена больш за 350 артэфактаў, архітэктурных макетаў, гістарычных фатаграфій, а брытанская мастачка і ілюстратар Харыет Расэл стварыла графічнае даследаванне месца нафты ў жыцці сучаснага грамадства, якое потым ператварылася ў асобную кнігу для дзяцей і дарослых.