Раман вядомага харвацкага пісьменніка Міленка Ерговіча (нар. 1966) асвятляе жыццё і стан грамадства ў Югаславіі ў перыяд паміж дзвюма сусветнымі войнамі. Прататып галоўнай гераіні рамана — актрыса-вундэркінд Леа Дойч, якая жыла ў Заграбе і стала ахвярай Халакосту ва ўзросце 15 гадоў. Яна была дэпартавана ў канцлагер, дзе і загінула. Аднак яе кароткае жыццё было ў поўным сэнсе слова жыццём тэатральнай зоркі.

Раман пра трагічны лёс Руфі Танэнбаўм, напісаны Ерговічам, выклікаў палеміку. Лёс харвацкіх яўрэяў падчас Другой сусветнай вайны да гэтага часу застаецца балючай тэмай як для яўрэяў, так і для харватаў.

Міленка Ерговіч нарадзіўся і вырас у Сараеве, дзе пражыў і першы год Боснійскай вайны (1992), калі горад апынуўся ў аблозе. У 1993 годзе Ерговіч перабраўся ў Заграб.

За раман «Руфь Танэнбаўм» аўтар быў узнагароджаны літаратурнай прэміяй імя Мешы Селімавіча (2007). Акрамя таго, ён атрымаў шэраг узнагарод і прэмій за іншыя свае раманы і зборнікі апавяданняў.

Кніга выдадзена пры фінансавай падтрымцы Міністэрства культуры і сродкаў масавай інфармацыі Рэспублікі Харватыя.