Як працуе натуральны адбор? Ці з'яўляецца ён дастатковым тлумачэннем складанасці жывых арганізмаў? Ці магчыма, каб сляпая, некіравальная сіла стварыла гэтак складаныя прылады, як чалавечае вока ці рэхалакацыйны апарат у кажаноў? Яшчэ Дарвін пераканаўча адказаў на гэтыя пытанні, а навука з кожным новым дзесяцігоддзем дае ўсё больш доказаў яго правасці, але многія па-ранейшаму ў ёй сумняваюцца. Кніга знакамітага ангельскага біёлага, папулярызатара навукі і змагара з крэацыянізмам Рычарда Докінза "Сляпы гадзіншчык" абараняе эвалюцыйны погляд на свет і развенчвае міфы, якія існуюць вакол дарвінаўскай тэорыі. Зрэшты, Докінз ніколі не абмяжоўваецца адной праблемай канкрэтнай навуковай дысцыпліны - у канчатковым рахунку ён кажа аб філасофскіх асновах навуковага светапогляду ў цэлым. Дасціпнасць і шырокая эрудыцыя аўтара дазваляюць яму лёгка апераваць прыкладамі з самых розных абласцей - ад кампутарнага праграмавання да Шэкспіра, і гэта, верагодна, таксама згуляла сваю ролю ў тым, што "Сляпы гадзіншчык" ужо амаль тры дзясятка гадоў застаецца бэстсэлерам.